చందమామ... నా టెలిస్కోప్లో

కాల ప్రయాణం :D

మీకే గనక టైం ట్రావెల్ చేసె అవకాశం వస్తే ఎక్కడికి వెళ్తారండీ? అప్పడికప్పుడు ప్లాన్ చెయ్యాలీ అంటే కష్టం కదా.. అందుకే నేను ముందుగానే ఒక లిస్ట్ రాసేసుకున్నాను మరి!
పెద్దగా సమయం వేస్ట్ చెయ్యకుండా.. ముందుగా
రాముడి పెళ్ళికి అతిథిగా వెళ్తాను.. ఆ వైభోగాన్ని కళ్ళారా చూస్తాను!
ఇక ఎలానూ రాముడి కేవలం సీతకే కద.. అక్కడి నుంచి బయలుదేరి మరో ఆలోచన లేకుండా.. కన్నయ్య దగ్గరకు వెళ్తాను.. అక్కడే ఉండిపోతాను కొద్దిరోజులు.. మరో ఆలోచన లేకుండా.. ప్రశాంతంగా.. సేవ చేసుకుంటూ..
అక్కడి నుంచి మహభారత యుద్ధం చూస్తాను కొద్ది రోజులు..  ఇక చాలు అని అనిపించినప్పుడు.. బయలుదేరి వెనక్కి వెళ్ళి.. వశిష్టుడిని కలుస్తాను.. ఆయన జ్యోతిష్య శాస్త్రం మీద చేసిన పనులు చూస్తాను.. నేర్చుకుంటాను. తర్వాత ఆర్యభట్ ని కలుస్తాను.. తర్వాత ఒకసారి భరత ఖండం మొత్తం చుట్టేస్తాను.. ఇక చూసిన గతం చాలు అనిపించెస్తుంది.. ఇక్కడ అన్నిటిని వదిలేసి కొత్త లోకాన్ని వెతుకుతూ రేపటిలోకి వెళ్ళిపోతాను!  

ఏమో ఇంత చూసాక.. అసలు past present future ఉండవని అర్థమవుతుందేమో! కాలమే లేదని అర్థమవుతుందేమో!